Batyrma

Batyrma

4 adamlyk

• 6 nahar çemçesi ösümlik ýagy ýa-da 3 nahar çemçesi ak ýag
• 1 sogan
• 3 bolgar burçy
• 1 badamjan
• 2 kartoşka
• 6 pomidor
• 1 diş sarymsak
• 1½ çaý çemçesi duz
• 1 çümmük iri gyzyl burç

1. Saja ýag guýup, aram otda goýmaly. Ýag gyzanda, onuň içine sogan dogramaly. Sogan ýumşap başlanda, onuň üstüne burç, badamjan, kartoşka dogramaly we 5 minut gowurmaly.
2. Gowrulan gök önümleriň üstüne pomidor, sarymsak dogramaly we duz, gyzyl burç sepmeli. Gazanyň gapagyny ýapyp, gök önümler ýumşaýança (20 minut) bişirmeli.

Bellik:
Batyrmany kartoşkasyz bişirseň hem bolýar (batyrmanyň esasy önümleri pomidor, bolgar burçy, badamjan we sogan). Şeýle-de, batyrma kabak, ýumurtga, et, gowurdak ýaly önümleri hem goşsaň bolýar.